Valg på årsmøtet, 11.nov. 2001:
Fylkesstyret:
Eli Berg, Tromsø (leder), gjenv.
Nils Aarsæther, Tromsø, gjenv.
May-Liss Aarøen, Tromsø, gjenv.
Else Marie Øvrebø, Tromsø, ny.
Olav Flaate, Sørreisa, gjenv.
Bjørnulf Kristoffersen, Lenvik, gjenv.
Tore Ruud, Harstad, gjenv.
Inger Marie Olsen, Kåfjord, ny.
Hanne Marie Eriksen, Balsfjord, gjenv.
Vararepr.:
1. Willy Ørnebakk, Storfjord, gjenv.
2. Lillian Bernes Hay, Balsfjord, ny.
3. Eivind Ditlevsen, Lenvik, gjenv.
4. Randi Saue Stabursvik, Harstad, gjenv.
5. Ingrid Russøy, Balsfjord, ny.
Revisor:
Knut Heen
vara Rolf Ketil Bjørn
Valgkomite:
Wenche Cumming (leder)
Roald Wikran
Jarl Cato Solseth
Til Landsrådet i Nei til EU:
Eli Berg
med personlege vararepr:
1. Anna Margrete Flåm
2. May-Liss Aarøen,
Tore Ruud
med personlege vararepr.
1. Nils Aarsæther
2. Olav Flaate.
Møter i styret og AU i perioden:
Styremøter: 26. januar, 13. april (i
samband med at Tromsø NTEU arrangerte konferanse om demokrati,
nasjonalstat og råderett over ressursar), 25. mai og 24. august.
Arbeidsutvalet: 13. desember, 28. februar,
25. april, 19. juni, 18. september.
Ved første møte: Konstituering av arbeidsutval.
Nestleiar:
Nils Aarsæther. Kasserar:
Eli Berg tok på seg kasserarfunksjonen. Sekretær: May-Liss Aarøen.
Årsmøte 2001:
Årsmøtet blei halde på RV-kontoret
i Tromsø. 10, november 2001. Det var i alt 11 representantar til
stades. Årsmøte behandla vanlege årsmøtesaker og det blei foretatt
valg.
Årsmøtet vedtok ei fråsegn om ”Patent
på liv”.
Etter årsmøtet blei det arrangert eit
ope møte om EØS og ESA: ”Sitter Norges mektigste mann i Brussel?”,
med innleiing av Arne Byrkjeflot frå sentralstyret. Ca. 25 møtte
fram til det opne møtet.
Aktivitetar:
Nord-Norgekonferanse:
Troms NTEU søkte Utanriksdepartementet om støtte til å gjennomføre
ein konferanse om markedsadgang og ressursvern, spesielt i forhold
til Nord-Norges sin situasjon. Vi oppnådde støtte til ein slik
konferanse, og styret bestemte å arrangere denne saman med ei
markering av 30-årsdagen for den første EF-avstemninga 25. september
1972.
Nord-Norgekonferansen blei arrangert
28. september 2002. Alle medlemmar i Troms og Finnmark fekk direkte
invitasjon i posten, og medlemmar i Nordland var også invitert.
I alt 70 deltok på konferansen.
Kristen Nygaard blei invitert til å
halde opningsforedraget på konferansen, og hadde takka ja til
det. Men som kjent gjekk Kristen Nygaard bort i august. Eli Berg
opna konferansen ved å minnest Kristen og hans innsats, også for
Nei til EU i Troms. Nils Aarsæther heldt innleiinga om 30 års
kamp for folkestyre 1972 – 2002. Helle Hagenau, Bente Aasjord,
Aina Edelmann og Gunhild Johansen var innleiarar, og frå Ungdom
mot EU heldt Monika Carstensen innleiing.
Troms NTEU arrangerte kulturkveld
på Mack-kjelleren som var besøkt av godt over 100, og der Jack
Berntsen, Boknakaran, Balsfjord Bygdekor / Storfjordkoret og Kjettingteateret
hadde kulturinnslag.
I etterkant av Nord-Norgekonferansen
blei det arrangert eit strategimøte for Nei til EU i Nord-Norge
29. september. Her held Geir Finne, Tromsø, innleiing, og det
var alt 16 til stades. Dette møtet sendte ut ei felles pressemelding
frå Nei til EU i Nordland, Troms og Finnmark om forslaga til
omlegging av fiskeripolitikken; ”Forsvar folkets råderett – nei
til privatisering av fiskeressursene”.
Konferansen fikk god pressedekning,
både i førekant og etterpå.
Organisasjonsutvikling:
NTEU i Troms har fått eiga heimeside på internett. Styremedlem
Tore Ruud har lagd ned eit stort arbeid med å opprette denne heimesida,
som har adresse www.neitileu.no/troms/. Det er også mogleg
å kome fram til heimesida gjennom ein link frå nettstaden www.elgsnes.no/ Heimesida oppdateres ofte med
aktuelle nyhende frå heile Nordkalotten. Den gir eit godt oversyn
over organisasjonen, og fråsegner og pressemeldingar frå fylkesstyret
blir lagd ut der.
Verving:
Troms NTEU har organisert eit systematisk verve- og purrearbeid
over heile fylket. Sentralt har det blitt sendt ut informative
lister over innbetalingar, og dette har sett lokallaga i stand
til å purre på kontingenten. I tillegg har fylkesstyret nytta
kontaktar i Nei-partia for å verve fleire medlemmar. Det har også
vore verva medlemmar på arrangement; fylkeslaget har hatt verveannonser
i avisene, og fylkesstyret har utforma eigen tekst på purre-giroar
som vi har gått sendt ut. Resultatet er at Troms er det einaste
av alle fylkeslaga i Nei til EU som i 2002 har eit stabilt medlemstal.
Pressemeldingar og lesarbrev:
Fylkesstyret har komme med desse pressemeldingene
siste året: Frå årsmøtet: ”Veto mot patent på liv”, 10/11-01,
”Troms Nei til EU med egen hjemmeside”, 29/04-02, ”God medlemsinngang
i Troms Nei til EU”, 10/06-02, ”Forsvar folkets råderett – nei
til privatisering av fiskeressursene”, 30/09-02. Leserinnlegg
fra medlemmer i fylkesstyret: ”EURO – langt mer enn en mynt”
av Eli Berg, 09/01-02, ”EURO – noe for oss?”, av Tore Ruud, 16/01-02,
”Sponheim og den distiktsfiendtlige regjeringen”, av Olav Flaate.
23/02-02, ”EU vil endre barnematen – også i Norge”, av Nils Aarsæther
og Eli Berg, 27/02-02, ”Island , Norge og EU”, av Eli Berg, 26/03-02,
”Nei til EU-grensepoliti”, av Eli Berg, 13/05-02.
På sentrale møter:
På landsmøtet 2001 deltok: Eli Berg,
Tore Ruud, Anna Margrete Flåm, Olav Flaate, Ole Henriksen Landsmøtet
valde Eli Berg inn i sentralstyret, og Nils Aarsæther blei attvald
i kontrollkomiteen.
Tore Ruud og Anna Margrethe Flåm deltok
på rådsmøter 2.-3.mars, og 5.-6. oktober. Eli Berg deltok også
der, som landsstyremedlem.
På NTEU sin miljøkonferanse 7.-8. september
deltok Torstein Engelskjøn, Tore Ruud, Anna M. Flåm og 2 frå Ungdom
mot EU.
På NTEU sin kvinnekonferanse 19. –20.oktober
deltok Sofie Osland, Anna Margrete Flåm og Eli Berg.
Medlemsutvikling:
1996: 847
1997: 874
1998: 779
1999: 815
2000: 820
2001: 794
2002: 806 (pr. 25.10.)
Dei siste sju åra har Troms NTEU hatt
ein svært stabil medlemsmasse. Situasjonen er slik at det blir
nyverva mange medlemmar, men like mange ”gamle” medlemmar lar
vere å betale kontingent.
Politisk vurdering:
Troms NTEU har hatt eit jamt godt arbeidsår
også i 2002. Det har ikkje vore store begivenheter knytt til EU-saka
i Norge siste året. Det blei rett nok ein debatt då det blei
offentleggjort ein gallupp som viste JA-fleirtal på Island. Seinare
kom det andre meldingar frå Island, og det heile roa seg ned.
Men JA-sida er stadig på hogget. Ulike presseoppslag frå JA-sida
blir effektivt imøtegått gjennom lesarbrev og reportasjar med
Nei-argument. Det er små endringar i folkemeininga, og bildet
er som før: Ein klar dominans av menn med høg inntekt, bosatt
i Oslo-området, på JA-sida. Nei-sida har størst støtte i Nord-
og Midt-Norge, blant kvinner og ungdom, og frå folk med middels
eller låge inntekter.
EØS er det verre med. Det synest å
vere ei utbreidd misnøye ute blant folk med mange av dei nye direktiva
som blir pressa fram. Nei-sida sine argument vinn nokså lett fram
på dei områda vi har blinka ut, slik som for eksempel lokalt og
nasjonalt eigarskap til naturressursar, redusert arbeidsgivaravgift
i distrikta, og strenge miljøkrav til mat og matproduksjon. Likevel
er det lite bevegelse når det gjeld å ta opp heile EØS-spørsmålet
i parti og politiske miljø som nok kan vere kritiske på enkeltsaker.
Nei til EU har som organisasjon bidratt
til å styrke ei internasjonal orientering i den norske politiske
debatten. Alliansebygging også over landegrensene med grupper
som går imot EU- og WTO-politikk med frie kapitalrørsler og svekka
velferdsordningar synest å vere godt i gang. Her er spesielt ungdommen
aktiv med å sette dagsorden, og det lovar godt for framtida.
Troms Nei til EU framstår som synleg,
konsolidert og med ein høg beredskap for politisk mobilisering.
Ein av grunnane til at JA-sida ligg lågt, ligg i den organisatorske
og politiske styrken som Nei til EU representerer.