30
(men eigentleg 40) år i kamp for folkestyret
(1962) - 1972 - 1994 - 2002
Foredrag
på Troms Nei til EU sin Nord-Norge-konferanse 28.9.2002
Nils
Aarsæther, leder Troms Nei til EU 1991-1997
Disposisjon:
Kva markerer vi i september 2002, korfor gjer vi det og kven er ”vi”
1962:
Første søknad om medlemskap, så eit mellomspel i 1967
1970-1972: Folkebevegelsen og 53.6 %
1988-1994: Nei til EU og 6-årsstriden som førte til 52.2 Kor står
folkestyret i dag? Norsk utakt og framtidsmuseum (Enzenberger)
1.
INNLEIING
Det
vi markerer den 25. september 2002 er 30-årsdagen for den første
folkeavstemminga om EF/EU i 1972. Då blei resultatet 53.5 % NEI,
mens det blei klare JA-fleirtal i Danmark
og i Storbritannia. Kampen for og imot norsk EF/EU-medlemskap
starta imidlertid 10 år før 1972, i 1962, og det kan vere vel
verdt å sjå tilbake til dei erfaringar som Nei-sida
gjorde allereie den gangen. Historia om norsk EF-strid er gitt
ei fyldig framstilling i boka ”Mot strømmen” av Tor Bjørklund
(1982), og dette foredraget byggjer i stor grad på stoff som er
henta frå denne boka.
2.
FØRSTE RUNDE 1962
Forhistoria:
Det heile begynte i 1961, då fleire EFTA-landa, med Storbritannia
i spissen, ville slutte seg til EEC. Romatraktaten av 1957 låg som kjent til grunn for EEC. Norge
søkte medlemskap i EEC for første gang i 1962. Men også motstandssida kan feire eit 40-årsjubileum.
I 1962 blei det laga to landsomfattande aksjonar mot norsk medlemskap,
begge med siktemål å samle eit Nei-fleirtal
ved ei folkeavstemning – som det den
gangen aldri blei noko av. Det interessante er at det var to aksjonar
– For det første ” De 143”. Denne aksjonen hadde sitt tyngdepunkt
i venstresida i Arbeidarpartiet og i delar av fagbevegelsen. Verken
NKP, det nye SF, primærnæringane eller mellompartia var inviterte
til å delta i denne aksjonen. Dei organiserte det første demonstrasjonstoget
mot EEC-medlemskap i mars 1962, og samla ein stor, og tverrpolitisk
prega nasjonalkonferanse
i januar 1963 – men da var allereie kampen avblåst for denne gangen.
Det
seier litt om tverrpolitisk arbeid den gangen at Senterpartiets
Hans Borgen – seinare leder i Folkebegevelsen
mot EEC, fekk refs av Sentralstyret og Per Borten for å ha deltatt
på NEI-arrangementet til De 143.
Litt
etter at De 143 var danna, blei ”Opplysningsutvalget av 1962”
organisert. Opplysningsutvalget hadde sitt utspring i Senterparti-
og bondelagskretsar, og rekrutterte
inn mot mellompartia og mot høgrefolk som var mot EEC. Det var
altså ein ”borgarlig aksjon” med utspring i SP og bondeorgansiasjonar
og en ”sosialistisk” med basis i venstresida i AP og fagbevegelsen.
Den einaste formelle kontakten mellom dei to var at Opplysningsutvalget
tok på seg å betale delar av gjelda til De 143 da kampen var avblåst.
Det skjedde som kjent gjennom DeGaulle
sitt veto mot britisk medlemskap.
Oppsummert:
Både tilhengarar og motstandarar gjorde seg sine erfaringar i
1962. Det var uaktuelt å bygge saman motstanden; den blei gruppert
i tre-fire leirar:
1967:
Mellomspel med ny søknad, ny fransk avvising – og Nordøk-havariet
1970
Den
norske regjeringa søkte også medlemskap i 1967. Nettopp på det
tidspunktet syntes motstanden å vere svært svak. Senterpartiets
Per Borten var no statsminister. Opplysningsutvalget av 1962 inviterte
De 143 til å være med på ei fellesannonse
mot medlemskap, men De 143 fann ikkje å kunne samarbeide med Opplysningsutvalget.
De 143 samla underskrifter mot medlemskap og fikk inn 2140. Såpass
seint som i 1967 var det vanskeleg å få til eit tverrpolitisk
samarbeid for å hindre EEC-medlemskap.
Heldigvis,
kan vi i ettertid seie, blei det ikkje noko av søknaden denne
gongen heller. Tor Bjørklund vurderer det slik at 1967 var den
einaste runden der Ja-folket hadde hatt ein sjanse til å få fleirtal.
Mot
slutten av 1960-talet blei det særleg frå dansk side arbeidd med
å skape eit NORDØK – eit økonomisk samarbeid i Norden, som alternativ
til EEC. Denne planen måtte oppgivast då Finland sette foten ned.
3.
DEN FØRSTE STYRKEPRØVEN 1970-1972
Da
det for tredje gang blei opna for engelsk, dansk og norsk medlemskap
i EEC rundt 1970 hadde det skjedd ei viktig endring på motstandssida:
Vel var beredskapen der i form av slumrande 143 og Opplysningsutvalet;
det nye var at ungdommen no kom først på banen. Og det var ikkje
kva som helst slags ungdom – det var ein generasjon som hadde
opplevd eller blitt prega av studentopprøret 1968 og protesten
mot USA si krigføring i Vietnam. Alle Stortingspartia sine ungdomsorganisasjonar,
minus UH (men pluss KU) kom saman våren 1970 for å samle kreftene
i kamp mot norsk EEC-medlemskap. Desse kunngjorde 28. august 1970
eit samarbeid av ungdomsorganisasjonar som gjekk mot norsk EEC-medlemskap.
Den ikkje heilt unge Kristen Nygård blir nemnd som ein av dei
som jobba aktivt for å få til dette samarbeidet mellom politiske
ungdomsorganisasjonar. Same dag – og
det slett ikkje tilfeldig – blei Folkebevegelsen mot norsk medlemskap
i Fellesmarkedet stifta. 28. august 1970 er altså det nøyaktige
tidspunktet for det tverrpolitiske arbeidet sitt gjennombrot i
nyare norsk politikk.
Ei
heilt tafatt og splitta Nei-side i 1967 var i løpet av tre år avløyst av ein optimistisk
og velorganisert Nei-front. Korleis
kunne dette skje? Det er fleire nye politiske straumdrag som kan
seiast å flyte i hop, og det er straumdrag som enno i 1967 betydde
lite eller ikkje noko. Stortingsvalet 1965 er eit godt eksempel.
Så seint som i 1965 hadde nasjonen blitt uvanleg sterkt politisk
mobilisert for å avgjere om det skulle vere fortsatt AP-regjering
eller ei borgarleg regjering. Dette blei framstilt og opplevd
som så
viktig at folk gjekk mann av huse ved stortingsvalet (valoppslutninga
var 85 %).
Fem
år etter var ikkje motsetninga mellom sosialdemokratisk og borgarleg
styre forsvunne. Men den var atskillig neddempa, ettersom regjeringa
Borten viste seg å føre vidare den sosialdemokratiske velferdspolitikken
som regjeringa Gerhardsen hadde ført. Som kjend blei Folketrygda
– eit gedigent velferdspolitisk løft – vedtatt (1967) og gjennomført
med den borgarlege regjeringa. Skattar og avgifter måtte stige
for å finansiere dette løftet. Så folk på begge sider måtte revidere
sine oppfatningar av kor djupt skiljet borgarleg / sosialdemokratisk
eigentleg stakk.
Men
vel så viktig for den politiske nyorienteringa og nye samarbeidsmuligheter
var framveksten av heile fire nye skiljeliner, som alle blei meldt
inn på den politiske arenaen fram mot 1970.
Desse var:
Så
vi fekk eit uvanleg gunstig samanfall av omstendigheiter:
På den eine sida ved at ”den eldre politiske garde” måtte innsjå
at forskjellen mellom sosialdemokrati og ein borgarleg koalisjon
ikkje var avgjerande for samfunnsutviklinga. På same tid førte dei nye politiske stridsspørsmåla til mobilisering
av ein heil haug med yngre folk – i hovudsak dei store studentkulla
– som meldte seg til politisk teneste, utan den store respekten
for parti eller partipolitiske skilje. Engasjementet til dei yngre,
samt ”vaksne” som fann ut at det var mogleg å samarbeide saksretta
på tvers av gamle skilje mellom yrkesgrupper og partis.
Dette engasjementet blei fanga opp av Folkebevegelsen mot
norsk medlemskap i Fellesmarkedet. FB vaks ikkje fram frå grasrota
– den blei konstruert ”ovanfrå”. Og var i utgangspunktet basert
på ei saksretta samling av krefter som ikkje kunne samarbeide
i 1962 og 1967. Styrken til FB låg i at den blei tilført energi
nedanfrå ved at studentar, byaktivistar
og bygdeaktivistar blei inviterte til aktivisere
seg som medlemmar i lokallag og fylkeslag av den nye kamporganisasjonen.
Det
tverrpolitiske samarbeidet mellom ungdomspartia blei meir og meir
ein del av FB. På ytterste venstre fløy blei ”Arbeiderkomiteen
mot EEC og dyrtid” starta som eit alternativ til FB, men også
denne organisasjonen oppmoda etterkvart sine medlemmar til å delta
i FB.
Det
politiske grunnlaget for FB var ikkje spesielt sterkt presisert,
for det var viktig å ikkje støyte frå seg dei ulike gruppene
der det var mange EEC-skeptiske – som fagorganiserte, bønder,
fiskarar, ungdom med miljøpolitisk engasjement, akademikarar,
kristenfolket eller EEC-motstandarar i AP og Høgre.
Det
politiske grunnlaget var framforhandla i forkant av offentleggjeringa
av FB den 28. august 1970 og der var følgande framheva:
-
å ta vare på vårt politiske demokrati,
-
internasjonal handlefrihet
-
Norge som ein selvstendig stat.
Statsvitaren
Tor Bjørklund formulerer det slik: EF-motstanden var det utenomparlamentariske
forsvaret av parlamentet.
Ord
som ”sjølvråderett” parolar av typen ”Nei til salg av Norge” finst ikkje i plattforma. For å etablere ein
brei front mot EEC var det nødvendig å utvise stor varsemd, ikkje
berre i politiske standpunkt, men også i ordval. Folkebevegelsen
var heilt avhengig av å få oppslutning i miljø med liten fortrulegheit
med politiske slagord. Og den måtte operere i eit svært fiendsleg
mediemiljø, der skuldingar om å vere lite seriøse, venstrevridde
osv. sat svært laust. Folkebevegelsen måtte kombinere det å ha
eit ”radikalt” standpunkt med å vere ”respektabel” i alle kretsar
– ein balansegang som stilte store krav til disiplin rekkene.
Alltid tverrpolitisk, alltid etterretteleg, men også alltid folkeleg
og aktiv på grasrota.
Dette
lukkast Folkebevegelsen med, nesten 100 %. Som eit resultat truverdigheit
og aktivisme blei den store striden vunne. Det kunne lett ha godt
gale. I sluttspurten var det ein risiko for at ein lanserte feil
informasjon, og det var ein risiko for at ein tok i bruk litt
for kraftige metodar. Det var så vidt at vardebrenninga ikkje
slo tilbake mot Nei-sida, men den foregjekk
stort sett i trygt ”Nei-land”. Elles
var det FB sitt utspel om at trygdene ville bli senka med EU-medlemskap
som holdt på å skape eit tilbakeslag, for det viste seg at FB
refererte til ein ”plan” som ikkje eksisterte (Dahl og Bjørnsen:
”Det var en gang en folkeavstemning”).
Ein
av grunnane til at det gjekk godt, var kombinasjonen av sentral
leiing og eit relativt kort tidsperspektiv. Det var akkurat to
år å gjere jobben på. Den sjølvutnemnde interimstyret gjekk over
til å vere eit styre med tillitsvotum frå eit landsmøte som blei
samla i mai 1971. Noko klassisk organisasjonsdemokrati var det
lite tid til å utøve – skulle Nei-sida vinne kampen måtte ein ikkje kaste vekk verdifull
tid på indre demokrati. Arne Haugestad var generalsekretær og
saman med sine næraste medarbeidarar i styret og i sekretariatet
i Oslo bestemte han det aller meste. Det politiske arbeidet til
sentralen blei gjennomført på ein kompetent måte, men utan den
karismatiske leiarstilen som nok mange ute i lokallaga sakna.
”Vi
treng ein general!” – var ei ytring eg huska frå den myndige redaktøren
av den kristne avisa Dagen. Arthur Berg, som var formann i Hordaland
fylkeslag.
Tor
Bjørklund har samanlikna den norske EEC-motstanden 1970 – 1972
med den danske. Det er fleire gode grunnar til at ein vann i Norge,
men tapte i Danmark. For det første fekk den norske Folkebevegelsen
pengar frå landbrukssamvirket. I Danmark var bøndene sine organisasjonar
på ja-sida. I Norge hadde Folkebevegelsen ei klar oppfatning av kva bevegelsen
stod for – DEN EINE SAKA. PUNKTUM. I Danmark blei EU-motstand
blanda med mange andre kampar og parolar, og mange var skeptiske
til å vere med i arrangement med svært ulike parolar.
Ryddigheten
i den norske EEC-motstanden i Folkebevegelsen sin regi var også
markert ved at ein hadde ei felles oppfatning
av kva som var alternativet – nemleg ein handelsavtale med EF.
(tenkt framforhandla på nordisk basis). Sjølv om det fanst motforestillingar og dei som meinte at ein slik avtale kunne ver eit springbrett
inn i EEC på sikt, var det einigheit
om å stå samla om den. Utad var Folkebevegelsen dermed i stand
til å svare på det viktige spørsmålet ”Men kva er alternativet?”
- spørsmålet om Norges plassering i forhold til eit utvida EF,
på ein forståeleg måte. Og, som vi huskar, Handelsavtale blei
resultatet – det ja-sida påstod var umuleg å oppnå.
Folkbevegelsen si vekt på ryddighet
blei på sett og vis styrka ved at den hadde ein konkurrerande
Nei-organisasjon – Arbeiderkomiteen
mot EEC og Dyrtid. Denne organisasjonen hadde Carl-Erik Schulz
som administrativt ansvarleg, og hadde utspring i dei student- og industrimiljø der den marxist-leninistiske
organiseringa stod sterkt.
EEC-motstanden
i Troms var organisert i med Tromsø som sentrum, og frå juni 1972
hadde fylkesstyret eit kontor med tre tilsette. Fylkesleiar
var psykiateren og NKP-mannen Harald Reppesgård.
Øvrige sentrale personar i styret var Kjell G. Jacobsen (Småbrukarlaget),
Arne Nordgård (Bondelaget) og Asmund
Hansen (Jern og Metall).
Det
blei teikna mange medlemmer i FB i Nord-Norge – fleire enn det
var NTEU-medlemmer i 1994!
Nordland:
5485
Troms: 4671
Finnmark:
2595
Men
dramatikken knytt til fiskeriforhandlingane kom nok til å bety
svært mykje for avstemmingsresultatet i Troms og i Nord-Norge.
Då forhandlingsresultatet var klart på nyåret 1972 gjekk fiskeriministeren
Knut Hoem, av. Han var også direktør for Norges Råfisklag. Da var nok løpet kjørt for ja-sida langs kysten.
Hoem blei erstatta av ja-mannen Magnus Andersen frå Bø. I den
nye fiskeriministeren sin heimkommune blei det over 90 % som stemte
Nei.
Tala
frå Nord-Norge – den landsdelen som var og er mest avhengig av
fiskeeksport til Europa er tydelege. Nei-prosenten blei:
Nordland:
72.5 %
Troms: 70.2 %
Finnmark:
70.4 %
Mest
Nei var Røst med 93.5 %. Ingen på Røst var medlem i Folkebevegelsen..
Mest
Ja var Narvik og Bardu, og også her var det Nei-fleirtal.
EEC-kampen 1970-72 Blei vunne av Nei-sida gjennom ein kjempeinnsats frå grasrota og eit kløktig
leiarskap sentralt. EF var villige til å inngå ein frihandelsavtale
som holdt jordbruk og fiskeri utanfor.
4.
KAMP MOT EU-MEDLEMSKAP 1988 – 1994
Vi
skal ikkje her gå så nøye inn på den siste EU –kampen
som starta i 1988 og som blei avslutta den 28. november 1994.
Den huskar alle fortsatt godt.
Striden
som kulminerte i 1994 følgde i same spor som i 1972. Primærnæringane
sine folk var i mot, det var også ungdommen, motstandsbevegelsen
var samlande og disiplinert.
Men
det var nokre viktige forskjellar:
Riksmedia
var klart meir JA i 1994. I 1972 var
Dagbladet ei viktig informasjonskjelde i det sentrale mediebildet.
LO
kom ut med eit knapt Nei-fleirtal på kongressen i 1994. Tilsvarande kongress i
1972 var overveldande Ja, og vi huskar dei mange ”kortidssekretærane”
som LO sendte ut etter sitt Ja-vedtak.
Det
var lettare å argumentere i 1994, for mange av dei tinga som var
omstridde i 1972 var blitt kjensgjerningar i 1994. EU var blitt
til ein Union – det var ikkje mogleg å latterleggjere unionsargumentet
lenger. Og det var blitt langt større arbeidsløyse
i EU enn det var i Norge. I 1972 var det mindre arbeidsløyse
i dåverande EU. Og Ja-sida kunne spele på frykt for arbeidsplassane
om vi blei utanfor. Det stemte jo på ingen måte, men det kom fram
først utover på 1970-talet.
Det
var langt færre bønder og fiskarar i 1994 enn i 1972, og langt
fleire budde i byane. EU-motstanden kunne ikkje i same grad basere
seg på distrikta og primærnæringane som i 1972.
På
den andre sida var det langt fleire offentleg tilsette i 1994,
og skepsisen i deira organisasjonar var blitt vel så stor som
i fleire av dei tradisjonelle industriforbunda. EU er ingen venn
av offentleg sektor, EU-politikken blir tvertimot
oppfatta som basert på ein ideologi som stimulerer til privatisering
og nedbygging av velferdsstaten.
Men
kanskje den STØRSTE forskjellen mellom 72 og 94: Kvinnene kom
til å spele ei viktig rolle i den organiserte EU-motstanden. EU-kampen
1970-72 kom akkurat eit par år for tidleg til at den kunne ta
opp i seg den enorme politiske energien som blei utløyst gjennom
den nye kvinnebevegelsen
utover på 1970-talet. Folkebevegelsen var langt på veg ei manns-”greie”,
og det var få som reagerte noko særleg på at kvinnene var heilt
fråverande i leiinga av FB. Til gjengjeld kom kvinnene til å bety
svært mykje i den siste EU- kampen. Frontfigurane var jo Gro på
Ja-sida og Anne på Nei-sida.
Nei
til EU blei danna i 1990 gjennom ei gradvis utbygging av eit nytt
”Opplysningsutvalg” som Kristen Nygård tok initiativet til i1988.
Nei til EU blei meir tydeleg som ein demokratisk organisasjon,
noko som var heilt nødvendig ettersom kampen denne gongen ville
bli langvarig – nesten 5 år.
Seieren
i 1997 var tydeleg nok – 52,2 %, men det har vist seg meir vanskeleg
å forvalte utanforskapet etter 94 enn det var i 72. I 1972 gjekk
regjeringa av, og vi fekk ei Nei-regjering
utgått av mellompartia som tok seg av den viktige fasen med å
fa ein handelsavtale på plass. Etter Nei-seieren
i 94 var det taparane som skulle forvalte utanforskapet – for
dei politiske tyngdelovene blir ikkje oppheva av eit enkelt folkeavstemningsresultat.
EØS – innført i 1994 - har brakt oss mange tilbakeslag i åra som
har gått.
5.
DET VI BØR TA VARE PÅ
Det
viktigaste ved EU-seierane i 72 og 94
er at dei har vist at folk flest kan vere med på å virke inn på
historias gang. ”Vi er i historien, dere” sa Anne Enger L. under
oppkjøringa til sluttspurten i Trondheim juni 1994. Vi er ikkje
berre henvist til å lure på korleis det går med Norge, og å legge
vår skjebne i hendene på ein politisk og økonomisk elite. Korleis
det går er jo langt på veg opp til oss sjølv. Historia frå 1962
til i dag har vist at folkeleg engasjement og kløkt kan vinne
over makta. Vi skulle vere bra ute å kjøre om vi ikkje tok vare
på denne tradisjonen og dei mulighetene den gir til å forme framtidas
samfunn.