Medlemsskriv 3/2006 Tromsø,
28.12.06
Gode medlem i Tromsø Nei til
EU og Ungdom mot EU Ved utgangen av året 2006 vil styret sende
ut sitt siste medlemsskriv. Innhaldet er litt om aktiviteten i
2006, linjer for 2007, og innkalling til årsmøte, og ope møte,
15. januar.
Året som gjekk:
I året 2006 har det vore fleire,
godt besøkte arrangement. Året har vore prega av eit framhald
av Tromsø Nei til EUs profil gjennom dei seinare år, der hovedfokus
har vore på forvalting av naturrressursar, og betydningen det
har at landet ikkje er eller blir EU-medlem for å kunne styre
rikdomen frå naturressursane på folkevalde og folketenlege måtar.
Ikkje minst viktig i 2006 var møtet om kva konkret lovgjeving
som sikrar slik styring. Her hadde me vitjing av den bolivianske
juristen Carlos Romero, som sammen med den norske professoren
i historie, Lars Thue, og leiar i Norges Kystfiskarlag, Paul Jensen,
viste kor avgjerande nasjonal lovgjeving på dette området er for
folks liv og velstand. Begge land er blant verdens rikaste på
naturressursar. Men medan Norge har verdens rikaste befolking,
er Bolivia blant dei fattigste. Innleiarane fortalde konkret kva
lover og politiske vedtak som skaper slik forskjell. Romero sit
i Bolivias kommisjon for å lage forslag til ny konstitusjon i
landet. Møtet var opplysande og kontaktetablerande.
Viktig var også møtet om Norges
forhold til det nye Europa, sett i forhold til regjeringas nylege
Europamelding, Stortingsmelding nr. 23, "Om gjennomføring av Europapolitikken",
som ein av Norges beste Europa-kjennarar, Jon Bingen, meiner byggjer
på ei forelda forestilling om Europa. Innleiarane, Jon Bingen
frå Norsk Institutt for Strategiske Studier, og Hallvard Tjelmeland,
professor ved Universitetet i Tromsø, viste på kva måtar Norge
- både notidig og historisk - er plassert i ein geopolitisk sammenheng
der andre naboar enn dei på det europeiske kontinentet har vore
og er sentral for Norge. Dei peikte på at slik vil det bli i framtid,
serleg sett i forhold til Norge som kystnasjon og landets ansvar
i Nord-områda, og sett i forhold til behovet for mellomstatleg
samhandling om forvalting av ressursar i dette området.
Viktig var også Internasjonalt
Seminar der me fekk besøk av Maria Walberg, leiar i Internasjonalt
Utval i Nei til EU, som innleia til debatt om kvifor internasjonal
solidaritet i dag treng andre grep enn EU. Til dette møtet var
Grete Berget, generalsekretær i Europabevegelsen, invitert, men
møtte ikkje.
Vidare har medlemar og styret produsert
lesarinnlegg. Serleg har fokus vore på spørsmålet om den norske
ordninga med "heimfallsrett" av vasskraft kan vedlikehaldast under
EØS. Saka er førd inn til ESA-domstolen, og det knyter seg stor
politisk spenning til korleis den raud-grøne regjeringa vil stille
seg i framhald. Vidare har EUs såkalla "Tenestedirektiv" vore
i fokus.
Året som kjem:
Det viktigste i 2007 blir EUs Tenestedirektiv.
Nei til EU arbeider for å få regjering og Storting til å leggje
ned veto. Innstilling frå regjeringas interdepartementale utval
på saka er forventa framlagt sommaren 07. Nei til EU har store
kampanjeplanar, og du finn meir om det på Nei til EUs heimeside,
www.neitileu.no, og på Attacs heimeside www.stopptenestedirektivet.no.
Der finst viktig stoff, som kan sjåast på av alle, både EU-motstandarar
og EU-tilhengjarar. Sjå kronikk om saka på baksida her. Vidare
vil spørsmålet om den norske heimfallsretten bli ei hovedsak for
Norge og Nei til EU, samt oppfølging av Stortingsmeldinga om norsk
Europapolitikk. Motmeldinga frå Nei til EU viser på ein klar måte
kva Norges reservasjonsrett er, og peikar i detalj på korleis
redselen for sanksjonar frå EU ved bruk av veto, synest betydeleg
overdrivne. For komande vår vil me også vise til landskonferanse
i Stavanger i mars, som er open og nyttig for alle. Sjå heimesida
for meir info.
Med dette vil sitjande styre
takke for seg. Avtroppande leiar vil serskilt takke varmt for
all tillit som er vist meg gjennom no 6 år som leiar. Eg trur
på levande demokrati, og på at sirkulasjon i leiande posisjonar
er viktig for å fostre det. Velkomen til nytt styre!
ÅRSMØTE MÅNDAG 15. JANUAR, kl.
19:00 PÅ GRAND HOTELL:
Kl. 19:00: Ope møte: EUs tenestedirektiv: Kva meiner fagrørsla?
Kvifor er motstand viktig og alliansar nødvendig? Innleiing til
debatt v/Bjørn Willumsen, leiar i Fagforbundet i Tromsø. Kl. 20:30
(ca.): Vanlege årsmøtesaker. Det blir kaffi/te og noko å bite
i.
VEL MØTT!
Godt nytt år.
Helsing for styret i Tromsø Nei
til EU
Anna Margrete Flåm (leiar)
Styret i Tromsø Nei til EU:
Leiar: Anna Margrete Flåm, tlf.: 95 28 59 51; e-mail: Anna.Margrete.Flam@unn.no
Nestleiar: Åshild
Fause, tlf. 776 37140/95785676; e-mail:. ashild.fause@hitos.no
Sekretær: Torstein Engelskjøn, tlf.: 776 45579; e-mail: Torstne@imv.uit.no
Kasserar: Paul Henry Pedersen; tlf. 91151649/776 83212; e-mail:
paul.pedersen@samf.norut.no;
Iris Hemmingsen, tlf. 776 31 691/41611908. Vara: Yngve Bergheim,
Jan Engen. Konto.nr.: 0533 1008275; Nei til EU: Arbeidersamfunnets
plass1, 0180 Oslo, tlf. 23 35 45 80/fax:23 35 45 85; heimeside
www.neitileu.no; kto: 78 74 42 00031. NETTSIDE I TROMS: www.neitileu.no/troms.
Nei til EU-info, bestill hjå jan.terje.kristiansen@neitileu.no.