ARBEIDSPLAN ÅR
2003/2004
Arbeidet i komande periode vil
bli serleg prega av to forhold. Det eine er endringar innad i
EU. Det andre gjeld Norge som nasjon.
Mål 1: Debatt om det nye EU.
Når det gjeld det første forholdet, nemleg endring som pågår innad
i EU, er det forventa store endringar i og med forståande behandinga
av EUs nye grunnlov, det såkalla Konventet. Vidare vil det bli
reist mange nye spørsmål i samband med innlemming av 10 nye medlemstatar
i EU gjennom aust-utvidinga. Dette er spørsmål som Tromsø Nei
til EU må følgje med i, ta aktiv stilling til, og produsere kunnskaps
og debatt-stoff om. Det vil kunne skje på mange måtar: Ved å følgje
opp viktige arrangement frå andre, arrangere eigne konferansar,
og produsere lesarinnlegg.
Mål 2: Debatt om betydningen
av folkestyre.
Når det gjeld det andre forholdet, som gjeld Norge som nasjon,
så vil valperioden bli prega av at vi nærmar oss året 2005 som
vil bli ei stor markering av 100 års jubilèum for unionsoppløysinga
med Sverige. Dette vil det bli naturleg å arbeide i retning av
når det gjeld fokus og tiltak. Arbeidet mot EU gjeld arbeid for
folkestyre. Det er ei klar oppgåve for vår organisasjon å engasjere
seg for korleis folkestyre kan ivaretakast og vernast i vår tid.
Det vil kunne gi rom for fleire typar aktivitetar, serleg kan
ein rekne med at det vil omfatte planleggande aktivitet for kva
ein tenkjer bør skje i året 2005 som kan tene formålet å belyse
dei viktige spørsmål unionsoppløysinga i 1905 representerte. Det
vil vere viktig å sjå det i samband med tilsvarande utfordringar
landet står i i dag når det gjeld håndheving av sjølvstende, og
politisk press for nye unionsoppbyggingar.
Mål 3: Langsiktig arbeid for
å sikre eit Nei til EU-sterkt Storting 2005, herunder fokusere
betydningen for Norge av nye EØS-direktiv, og alternativ til EØS.
I tillegg vil 2004 vere året før det foreståande stortingsval
i 2005. Mykje tyder på at stortingsvalet 2005 vil bli eit EU-val,
slik for eksempel både Aps statsministarkandidat, Jens Stoltenberg,
og noverande statsaministar, Kjell Magne Bondevik, uttalar seg
om EU- spørsmålet. Det blir viktig at Nei til EU arbeider for
eit Nei-til-EU-sterkt Storting i 2005, og tar ekstra tak i løpet
av 2004 med tanke på det. Nei til EU vil dessutan arbeide for
at det blir fleirtal for å forhandle fram eit alternativ til EØS-avtalen.
I 2001 lukkast me med å få eit stort nok antal EU-motstandarar
inn på Stortinget. Det har hittil forhindra at Grunnlovs-endringar
blei aktuelle, som kunne gjere det lettare for Norge å bli medlem
av EU. Arbeidet må følgjast opp. Som del av dette må det følgjast
opp med arbeid knytt til innføring av nye EØS-direktiv, for å
auke EØS-motstanden i landet, og å bidra til debatt om alternativ
til EØS-avtalen.
Nokre konkrete arbeidsområde:
Spesielle område:
-
Fokus på komande/serleg
aktuelle EØS-direktiv ( patent på liv, anbodstvang på kollektivtrafikk,
hamnedirektivet, om norske konsesjonslover og råderett over
eigne naturressursar, differensiert arbeidsgivaravgift, el-avgifta,
som truar den kraftkrevande industrien, heimfallsretten).
-
Arbeid for oppseiing
av EØS-avtalen, belyse meir samla erfaring med avtalen, og alternative
mulegheitar. Sjå dette i sammenheng med initiativ frå Nei til
EU sentralt.
-
Stimulere til
debatt om korleis folkestyre kan ivaretakast i vår tid.
-
Arbeide for å
påvirke valprogramarbeidet og nominasjonsprosessen i forkant
av stortingsvalet 2005.
-
Vise kor viktig
internasjonal solidaritet er i arbeidet i Nei til EU.
-
Vise kor viktig
arbeidet for miljøvern er i arbeidet i Nei til EU.
-
Fokus på endringar
innad i EU og evt. betydning for norsk EU-debatt.
-
Søkje å inngå
samarbeid med aktuelle organisasjonar i dette arbeidet.