ÅRSMELDING
2002/2003
Perioden 12.11.
2002 - 18.11.03
TILLITSVERV:
Styre:
Anna Margrete Flåm
(leiar), Merethe Michelsen (nestleiar), Torstein Engelskjøn (sekr.),Roy
Arne Henriksen (til januar 03), Margrete Sæther.
Vararepresentantar:
Paul Pedersen (kasserar), Sofie Osland, Loyd Villmo
Valkomite: Ellen
Østgård og May Liss Årøen
Revisor: Marlon
Lunde
Styremøte:
Styret har hatt
tretten styremøte i perioden.
REPRESENTASJON:
"Internasjonalt
Seminar":
Styret har i perioden ikkje
hatt representant i styringsgruppa for "Internasjonalt Seminar",
men inngår som organisasjon i samarbeidet, og har hatt ansvar
for to møte (sjå nedafor).
8. mars arrangement:
Sofie Osland har vore styrets representant.
Arrangement
for 1. Mai:
Torstein Engelskjøn har formidla styrets parolar til 1. mai komitèen.
Ein av fire hovedparolar frå 1. mai-komitèen i Tromsø var: "Nei
til EU - Ut av EØS.".
Deltaking i
Troms Nei til EU-arrangement.
Leiar har vore invitert til fylkeslagets styremøte, og har stilt
med vararepresentant ved forhindring. Torstein Engelskjøn har
møtte som vara.
Deltaking i
sentrale Nei til EU-arrangement.
På landsmøtet i Nei til EU deltok leiar og Merethe Michelsen.
Deltaking i
styre og råd:
Leiar har vore vararepresentant frå Troms Nei til EU i Rådet i
Nei til EU, og deltatt på møta.
AKTIVITETAR:
Økonomi:
Laget har i denne
perioden hatt bra økonomi, på linje med forrige år. Midlar frå
Det Kgl. Utenriksdepartement, kr. 20.000,- vart tildelt etter
serskilt søknad for mars-konferanse, og kr. 45.000.- for april-konferanse
i samarrangement med Troms Nei til EU.
Medlemsskriv:
Styret har- på
samme måte som i forrige periode- prioritert å sende ut medlemsskriv
til alle medlemane. Innhaldet har vore arbeidsplan, halvårsplan,
oversyn over program/arrangement, kommentar til aktuell politisk
situasjon om EU/EØS-spørsmålet, og aktuell informasjon om Nei
til EU. Samla er det sendt ut tre medlemsskriv, etter samme lest
som for dei tre forutgåande valperiodane.
Medlemsverving:
Styret har -i samarbeid
med Troms Nei til EU- drive medlemsverving etter samme retningslinjer
som året før. Dette blei prioritert for å forsterke organisasjonens
økonomi, og det har resultert i kraftig medlemsauke. Medlemstalet
i Tromsø har endra seg slik: 1998: 226; 1999: 249; 2000: 247;
2001: 245 betalande/286 registrerte;2002: 246 betalande/286 registerte
(pr. 05. nov.); 2003: 282 betalande, og 332 registerte (pr.
17.10.03)
Arrangement:
Styret bestemde
å ikkje ha opne tema-møte som kveldsarrangement i denne perioden,
men å samle seg om nokre større initiativ.
Aktiviteten
i laget har utfrå det vore konsentrert på tre område:
Valavis.
Den største innsatsen
i denne valperioden har vore utgiing av valavis opp mot kommune-
og fylkestingsval. Dette skjedde som ei klar oppfølging av mål
pålagt styret frå årsmøtet 2002 om å prioritere aktivitet omkring
lokalvalet i den hensikt å belyse betydningen av EU og EØS for
lokalt og regionalt sjølvstende og styring.
I avisa vart alle
førstekandidatar for Tromsø kommuneval og Troms fylkestingsval
spurt om å svare på tre spørsmål:1) Meiner du Norge bør melde
seg inn i EU, 2) meiner du Norge bør sei opp EØS-avtalen, og 3)
til spørsmål 2), gi ei kort grunngjeving. Alle kandidatane svara,
nokre etter purring. Kun fylkesordførar og førstekandidat for
Senterpartiet svara ikkje. Dette vekte ekstra debatt i avisa Nordlys
framfor valget, med fleire lesarinnlegg for å utfordre til svar.
Avisa inneheldt
også godt journalistisk stoff med oppdatering om EU og EØS-avtalen,
skrive av eigne medlemar og to inviterte medlemar frå styret i
Nei til EU, Svein Johansen og Olav Boye.
Målsettinga med
avisa var å vise og å vekke debatt om at folkevaldes meining om
EU og EØS-spørsmålet er viktig for lokale og regionale forhold.
Avisa vart produsert
i 25.000 eksemplar. Den vart delt ut til alle husstandar i Tromsø
kommune, og brukt på interesserte partis valstands i Tromsø by,
samt kunngjort over Nei til EUs nettsider, samt kunngjort gjennom
pressemeldingar til alle aviser i fylket, og utdelt til Rådet
og styret i Nei til EU sentralt.
Medlemsnettet i
laget vart mobilisert. Og det vart lagt ned eit enormt arbeid
av svært mange for å dele ut avisa over alt. Alle avisene,
unntatt nokre få hundre, vart delt ut. Styret har grovt rekna
at det medførde arbeid i 100 % stilling i 1 veke frå styret i
tillegg til sjølve utdelinga og i tillegg til skriving av innlegg.
Mange medlemar
og ikkje-medlemar ga attendemelding om at avisa vart høgt verdsett,
hadde god lay-out, og ga inspirasjon.
Kostnader var kr.
27.942,90. Tilskot blei vart etter søknad gitt frå Nei til EUs
Råd og frå Troms Nei til EU.
Dagskonferansar:
Ein annan hovedaktivitetet
i laget i perioden var konsentrert om to større konferansar:
15. mars 2003:
Inspirasjon og kunnskapskonferanse om det nye EU og EØS, med fokus
på kvinner og unge.
Det var innleiing
ved Gunnhild Johansen ( nestleiar i Norsk Kommuneforbund) over
tema "Nytt frå Brussel om velferd og faglege rettar", innleiingar
av Eivind Fosse frå Europeisk Ungdom, og Bjørn Egil Johansen frå
Ungdom mot EU, samt frå Ågot Valle (leiar i Kvinneutvalet i NtEU)
over tema "Det nye EU: Kvinner og EU: Demokrati, velferd og likestilling.
Det var innleiing ved Helga Anette Melhus over tema "EU-kunnskap
er makt: Kva treng vi å vite? Og korleis går vi fram for å få
vite og diskutere det som er viktig for oss?". Maria Lyngstad
snakka frå Ungdom mot EU over tema "EU-standpunkt i dag blant
unge- kunnksap og organisering". Og Line Steinnes og Merethe Michelsen
innleia frå Ungdom mot EU over tema "Kva skal til for å bygge
kunnskapsnettverk blant unge i EU-spørsmålet?"
Arrangementet skjedde
på Grand Hotell i Tromsø, og inkluderte lunsj som marknadsplass
for nettverking, kunnskapsutveksling og samtalar.
Målet var å reise
debatt og å diskutere utfrå følgande fire utfordrande utsagn:
"No blir EUs framtid diskutert. EUs framtidsutval planlegg korleis
EUs nye grunnlov skal sjå ut, men ikkje om dei skal ha ei grunnlov.
Utvalget blir leda av mannlege topppolitikarar med gjennomsnittleg
alder på 64,5 år. Kor er ungdomen? Kor er kvinnene?
No blir Norges
forhold til EU diskutert. Det blir diskutert korleis EØS-avtalen
skal bli, og kva Norge skal betale for å handle med 10 nye søkjarland
i aust. Kor er EUs bidrag? Kor blir alternativ til EØS diskutert?
No blir EUs "sosiale
dimensjon" diskutert med inkludering av aust-europeiske land,
og bistand til dei. Kor skjer diskusjon om direkte yting til aust-Europa
utanom EU-systemet?
No blir verdensfredens
behov for alternativ til USA diskutert. Om EU trengst som stormakt
mot USAs angrepsplanar mot Irak. Kor skjer diskusjonen om behov
for alliansefrie land?
Dette er spørsmål
som kan bringe folk inn i "tenkeboksen" omkring Norges forhold
til EU. Vi lurer på kva som gjeld, og kva som er best."
Konferansens mål
var å oppdatere, inspirere og bygge kunnskapsnettverk med utgangspunkt
i desse utsagna og innleiingane.
Konferansen vart
dekka av avisa Nordlys. Arrangementet var etter søknad økonomisk
støtta av Utenriksdepartementet. På konferansen deltok ca. 35
deltakarar, og debatten var livleg.
26. og 27. april:
Nord-Norge-konferanse: "Fra EØS til frihandelsavtale? Nord-Norge-høyring
om EU, EØS eller frihandelsavtale.
Konferansen var
eit samarrangement med Troms Nei til EU. Konferansen hadde mange
innleiarar: Arne Pedersen (fungerande fylkesordførar i Finnmark)
over tema: "Nord-Norges behov som ressursregion i forhold til
EU og EØS"; Asle Toje (forskar ved Utenrikspolitisk Institutt):
EU- med fokus på dei store utviklingsprosessane Unionen står oppe
i- austutvidinga og konventet; Debatt mellom leiar for Europabevegelsen,
Wenche Fossen, og Nei til EU leiar, Sigbjørn Gjelsvik; Fleire
innleiarar, Svein Johansen (fiskar og styremedlem i Nei til EU)
og Bjørn Mathisen, leiar for Troms Bondelag, over tema "Nord-norske
stemmer om EØS-avtalen"; Asle Toje om " Kva er alternativa til
EØS-avtalen?", og Thomas Vermes (journalist i Nationen) om "Sveits
og dei sju frihandelsavtalane: Ferske inntrykk frå eit annaleisland";
og Nils Aarsæther (professor i samfunnsplanlegging, UiTø) om "
Distriktspolitiske verkemiddel i Nord-Norge sett i forhold til
EU sine verkemiddel i Nord-Sverige og Nord-Finland".
Tromsø Nei til
EUs opprinnelege plan var å arrangere dagskonferanse med reint
fokus på EØS-avtalen. Dette fordi EØS-avtalen var gjenstand for
nye forhandlingar som var forventa ferdigstilt i slutten av mars
månad, med tanke på blest om avtale-resultat, og debatt om alternativ.
Troms Nei til EU ønska ein konferanse i slutten av april med vidare
fokus opp mot EUs nye endringar. For å unngå overbelasting av
arrangementet, og for å oppnå ei nyttig samkøyring, vart konferansen
arrangert slik som nemnt.
Konferansen vart
arrangert på SAS-hotellet i Tromsø. Etter søknad hadde vi fått
økonomisk tilskot frå Utenriksdepartementet. På konferansen deltok
ca. 60 deltakarar, og det var livleg debatt. Konferansen vart
dekka i avisa Nordlys.
Internasjonalt
Seminar
Tromsø Nei til
EU har i denne valperioden lukkast med å få ansvar for to kveldar
med Internasjonalt Seminar, eit i vårhalvåret og eit i haust.
13. mars 2003:
Kåre Willoch (tidl. statsminister, Høgre-leiar og fylkesmann)
og Stein Ørnhøi (tidl. SV-leiar og leiar i NtEU) innleia til debatt
over tema: "Norges forhold til USA og EU: Nye grunnar for norsk
EU-medlemskap?" Kvelden vekte stor interesse, ca. 300 frammøtte,
og vekte livleg debatt, og vart dekka i avisa Nordlys.
2. oktober 2003:
Svein Roald Hansen (leiar i Europabevegelsen) og Olav Boye (sekretær
i Norsk Grafisk Forbund og styremedlem i NtEU sentralt) innleia
til debatt over tema "Det nye EU og Internasjonal Solidaritet".
Arrangementet var Tromsø Nei til EU sitt bidrag i storarrangementet
"Verden i Tromsø - Tromsø i Verden", og var av den grunn ekstra
godt annonsert. På grunn av arrangementskollisjon var oppmøte
ikkje så stort som forventa, men frammøte var bra, og debatten
ivrig.
Pressearbeid.
Det har i perioden
vore lagt vekt på å skrive lesarinnlegg frå styret, og oppmode
andre også til det. Vi har hatt nytte av stoff frå Nei til EU
sentralt. Vår sekretær har distribuert innlegg over eit større
avisnett, og det har også i år vore mange tilbakemeldingar, også
utafor eige distrikt, om at dette blir verdsett.
Utover dette har
me gitt økonomisk prioritet til å annonsere våre arrangement i
lokalpressa.
Stand.
Styret har prioritert
dette slik: Som del av markeringa ved 8. mars arrangement, på
1. mai, og på begge dagskonferansane.
Årsmelding vedteke
på årsmøtet i Tromsø Nei til EU.
Tromsø, 18.11.03
Anna Margrete Flåm
leiar