Tromsø Nei til EU  
 

ÅRSMELDING 2000/2001

Perioden 30.10.2000 - 06.11. 2001

Tillitsverv:

Styre:

Anna Margrete Flåm (leiar), Åshild Fause (nestleiar), Torstein Engelskjøn (sekretær), Bjørn Egil Johansen (representant frå Ungdom mot EU), Trond Egil Jakobsen.

Vararepresentantar:
Paul Pedersen (kasserar), Loyd Villmo, Mari Aasen, Ragna Gruner (til ca. 01.03.01), Jenny Mikalsen.

Valkomite:
Bjørn-Petter Finstad og Ellen Østgård.

Revisor:
Frøydis Strand

Styremøte:

Styret har hatt nitten styremøte i perioden: To i 2000: 13.11.,04.12.. Sytten i 2001: 09.01.,23.01.,06.02.,27.02.,06.03.,27.03.,24.04.,02.05.,10.05.,05.06.,13.06., 27.08.,11.09.,20.09.,02.10.,22.10.,01.11.

Representasjon:

"Internasjonalt Seminar":
Bjørn Egil Johansen har vore styrets representant i styringsgruppa for "Internasjonalt Seminar" i perioden.

8. mars arrangement:
Mari Aasen har vore styrets representant. NtEU's parolar i Tromsø var: "Nei til snikinnmelding i EU.", og "Gjeninnfør veterinær grensekontroll". Anna Margrete Flåm innleda over tema "Ja til folkestyre" på Likestillingsutvalget i Karlsøys 8. mars arrangement på Hansnes.

Arrangement for 1. Mai:
Torstein Engelskjøn har formidla styrets parolar til 1. mai komitèen. Ein av hovedparolane var: "Forsvar folkets nei. Utav EØS. Nei til WTO.". NtEU's underparole var "Nei til snikinnmelding i EU.", " Utav Schengen", og "Forby import av dyr og kjøtt nå". Parolane hadde god oppslutting i toget, og ein underparole (om dyr/kjøtimport) vart avbilda i Nordlys.

Deltaking i Troms Nei til EU-arrangement.
Leiar har vore invitert til fylkeslagets styremøte.

Deltaking i sentrale Nei til EU-arrangement.
På landsmøtet i Nei til EU 18.-19.11.00 deltok leiar.

Deltaking i Ungdom Mot EU-konferansen "Vi gir oss aldri", 23.-25.03. i Oslo.
Her deltok Bjørn Egil Johansen.

Gøteborg-aksjonen.
Åshild Fause deltok.

Nei til EU's kvinnefonferanse i Oslo.
Denne var tillyst i mars, men blei då avlyst. Ny konferanse i september hadde for kort frist til at nokon frå Tromsø kunne delta.

Deltaking i styre og råd:
Leiar har vore vararepresentant frå Troms fylke i Rådet i Nei til EU. Bjørg Egil Johansen har vore styremedlem i Ungdom mot EU.

AKTIVITETAR:

Økonomi:

Laget har i denne perioden hatt bra økonomi. Tre hovedkjelder har vore brukt. Først: Midlar via Det Kgl. Utenriksdepartement, kr. 40.000,-, tildelt etter serskilt søknad. Dinest: Søknad om midlar frå Norsk Studieforbund. Sist og ikkje minst søkte laget, og fekk, overføring/støtte med kr. 20.000,- frå Troms Nei til EU.

Medlemsskriv:

Styret har- på samme måte som i forrige periode- prioritert å sende ut medlemsskriv til alle medlemane. Innhaldet har vore arbeidsplan, halvårsplan, oversyn over program/arrangement, kommentar til aktuell politisk situasjon om EU-spørsmålet, og aktuelle informasjonar om Nei til EU. Samla er det sendt ut tre slike medlemsskriv.

Medlemsverving:

Styret har -i samarbeid med Troms Nei til EU- drive medlemsverving etter samme retningslinjer som året før. Dette har vore gjort slik at alle i Tromsø Nei til EU som ikkje hadde fornya medlemskapet pr. oktober 2001, fekk tilsendt ekstra påminningsskriv om å betale kontingent. Dette blei prioritert for å forsterke organisasjonens økonomi.

Medlemstalet i Tromsø har endra seg slik: 1998: 226; 1999: 249; 2000: 247; 2001: 245 betalande, og 286 registrerte (pr. 30.10).

Arrangement:

Markering av 28. november.

Sigeren i folkerøystinga 28.november 1994 vart i perioden markert med stand på torget med eigen løpeseddel.

Opne, korte tema-møte.

Styret har arrangert det vi har kalla opne, korte møte. Dette har vore møte på ca.1 ½ time om EU-aktuelle tema, og har vore arrangert i tilknyting til lagets styremøte. Møta har vanlegvis vore annonsert i dagsavisa Nordlys. Tema: 6. februar: "Kjem vi inn EU's bakdør via det nye forsvarpolitiske samarbeidet i "European Security and Defence Policy"?" Innleiingar ved Vidar Eng (SV), og kontaktperson i Troms for Internasjonal Kvinneliga for Fred og Frihet (IKFF), Hermien Spook Prestbakmo. Møtet var i sam-arrangement med IKFF. 24.april: "Ku- og genmodifiserings-galskap i lys av føre-var-prinsippet". Innleiar: Prof. Terje Traavik. 8. mai: "Erfaringar med iverksetting av Schengen-avtalen. Kva veit vi om Schengen i dag?" Innleiing ved leiar i Nei til EU, Sigbjørn Gjelsvik. Møtet var i sam-arrangement med Regnbuen Antirasistiske Organisasjon, og SOS-Rasisme. 27. august: "Perspektiv på EU-spørmålet framover." Innleiar: Prof. Hallvard Tjelmeland. 11. september: "Etter stortingsvalet- kva er viktig i arbeidet no?" Innleiing ved styremedlem Torstein Engelskjøn.

"Internasjonalt Seminar".

Tromsø NtEU har hatt ansvar for eitt av seminara i denne seminarrekka i perioden: 15.03: "EU og utvidelsen østover". Innleiing v/Stine Bergsland, reisesekretær i Nei til EU, m.fl.. Internasjonalt Seminar er vanlegvis godt besøkt og vekkjer debatt. Så også med dette møtet.

Dagsseminar.

Hovedaktivitetet i laget i perioden var fire større konferansar/seminar.

4 november 2000: "Laurdagskafé og seminar":
Den første var ein tillyst "2000-års-konferanse", planlagt i oktober 2000, som blei omdøypt til "Laurdagskafè og seminar", og forskyvd til 4. 11.. Innleiing til debatt v/Nils Aarsæther: "Praha 2000- korleis er dette knytt til arbeidet mot EU- og nyttar folkeleg motstand mot kapitalens frie flyt?" Arrangementet var kopla opp mot Troms Nei til EU sitt årsmøte samme dag.

10. mars 2001: "Demokratikonferanse":
Kor går Europa? Norges forhold til EU og Europa.
Dette var ein heildags konferanse retta serskilt opp mot det komande stortingsvalet. Målsettinga var å sette fokus på Norges forhold til Eurpoa og EU som sentrale tema i den politiske debatten, og stimulere til debatt på to plan -både i folket og mellom fylkets stortingsrepresentantar- om Stortingsmelding nr, 12, av 1. des. 2000, frå regjeringa om samme tema, lagt fram til behandling i Stortinget i mai. Innleiarar til debatt: Prof. Hallvard Tjelmeland: Er norsk EU-motstand uttrykk for ein sernorsk nasjonalisme? Prof. Ottar Brox: Demokrati-utvikling i EU. Prof. Berit Ås: Kva er nødvendig for å bygge demokrati? Ledar i Nei til EU, Sigbjørn Gjelsvik og repr. for Ungdom mot EU, Bjørn Egil Johansen: Kva ser ungdomen av visjonar etter EU's Nice-konferanse?. Stortingskandidatane frå Troms hadde også innlegg til debatt. Konferansen var bra dekka i lokalavisene. Oppmøtet var godt. Debatten var frisk. Alle inviterte parti møtte med kandidatar unntatt Høgre og Fremskrittspartiet.

9. juni: "EØS-avtalen og Nord-Norge".
Konsekvensar for ressursbruk og mangfold i nord?
Denne konferansen var innlemma i arrangementet Tromsø Fleirkulturelle Folkefestival, og av den grunn korta ned til mini-konferanse-form, for å passe inn der. Tema var å sette fokus på EØS-avtalens betydning for ressursbruk og mangfold i nord. Målsettinga var igjen å løfte sentrale problemstillingar knytt til Norges forhold til EU opp i den politiske debatten opp mot stortingsvalet. Innleiingar til debatt: Næringslivsrepresentantar: Steinar Eliassen, leiar i Fiskerinæringens Landsforening og direktør i Norfra, og Jens Olav Løvlid, styremedlem i Norges Bondelag. Innspel om EØS-avtalens alternativ: Ungdom mot EU v/nestleiar Merethe Michelsen, og Nei til EU ved nestleiar Stian Oen. Stortingskandidatane frå Troms hadde innlegg om avtalens betydning for distriktspolitikk, for liv og levned i nord, sett i forhold til spørsmål om vi tar nødvendig styring; og om tiden er inne for avtale-revisjon. Konferansen var bra dekka i lokalavisa i Tromsø. Oppmøtet var bra. Debatten var viktig. Alle inviterte parti møtte unntatt Høgre og Framskrittspartiet.

27. oktober: "Annaleislandets" betydning for fredeleg sameksistens i verden i dag. Kva kan ungdomen forvente av annaleislandet, som sa nei til EU, i arbeidet for fredeleg sameksistens i verden i dag? Har vi serskilte forpliktelsar. Og mulegheitar?
Denne konferansen var innlemma i arrangementet VERDEN I TROMSØ (som hadde fokus på ungdom), og vart av den grunn korta ned til mini-konferanse for å passe inn der, på samme måte som 9. juni-seminaret. Målsetting var å stimulere til debatt om kva alternativ vår "annaleisheit" kan gi. Innleiarar: Peter Ørebech (UiTØ): Norges innspel for fredeleg sameksistens- med USA som sentral samtalepartnar. Gunhild Svalastog (prest/styremedl. i Attac): Utfordringar ved å ha mot til å vere annaleis, og samtidig gå i dialog med det fremmede. Wenche Skallerud (lærar/rektor): Hva kan vi gjøre lokalt for å forstå det globale? Eva Gran (FN-sambandet): Hvordan kan vi åpne for andre i hverdagen vår? Konferansen var godt kunngjort, og hadde sentrale innlegg. Frammøtet var bra.

Serskilte valkampmarkeringar.

I arbeidet opp mot stortingsvalet i september prioriterte Tromsø-laget i tillegg til dag-konferansane å dele ut valkamputgåva av Standpunkt, produsert av Nei til EU, og tatt nord via fylkeslaget. Det blei tatt imot 24.000 aviser for Tromsø kommune, og dette blei delt ut alt så nær som nokre få hundre. Dette representerte ein timesvis arbeidsinnsats. Mari Aasen og Torstein Engelskjøn frå styret hadde hovedansvar for koordineringa. Både styremedlemar og kontaktpersonar i rodane la ned eit imponerande arbeid for dette. Styret melde attende til Nei til EU sentralt at avisa ikkje var gjennomarbeidd så godt som ønskeleg for å fungere som ei avis spissa mot valet, det var for mykje anna stoff, men var likevel bra ved å få fram stortingskandidatanes syn.

Vidare er det fremma forslag til fylkeslaget om å sende brev til Nei til EU sentralt om at nokre klare Nei-parti (Miljøpartiet De Grønne; Norges Kommunistiske Parti) ikkje var tilstades på dei sentrale heimesidene til Nei til EU.

Utover dette deltok leiar etter invitasjon frå TV-Tromsø i debatt med Tromsø Arbeiderpartis nestleiar Østgård, om kva som kunne gjere EU-spørsmålet aktuelt/uaktuelt for velgarane i Troms ved det foreståande valet.

Pressearbeid.

Det har i perioden vore lagt vekt på å skrive lesarinnlegg frå styret. Vi har her hatt nytte av stoff frå Nei til EU sentralt. Vår sekretær har distribuert innlegg over eit større avisnett, og det har vore mange tilbakemeldingar, også utafor eige distrikt, om at dette blir verdsett.

Utover dette har vi gitt økonomisk prioritet til å annonsere våre arrangement i dagsavisa Nordlys.

Stand.

Styret har prioritert dette slik: Som del av markeringa av 28. november 2000, samt på 1. mai, og på Troms Nei til EU's valkampmøte 1.september 2001. I samband med 8. mars vart det også i år, som del av "Kvinnekafè", laurdag 3. mars, arrangert innestand på Kulturhuset. Til kvar stand vart det produsert dagsaktuelle løpesedlar av lagets sekretær.

Tromsø, 06.11.01

For styret i Tromsø Nei til EU

Anna Margrete Flåm