Tromsø,
8. januar 2003.
”På
markedsliberalismens grunn”
AV
Nils Aarsæther og Eli Berg, Troms Nei
til EU
”Et
nytt Europa er skapt – på markedsliberalismens grunn”. Dette var
orda til Danmarks statsminister då han avslutta EU-toppmøtet i
København i desember. Dei ti søkarlanda
blir invitert til å delta i ein union som legg kapitalen sin frihet
til grunn for måten samfunnet skal innrettast på.
At
stemninga skulle bli meir positiv til EU i Norge er kanskje litt overraskande.
Alle strir i dag med ein markedsbestemt strømpris, og mange har
fått føle kva det vil seie å ha ei markedsbestemt rente på studielånet.
Høgrepartia pressar på for å få større delar av offentleg sektor
over i privat drift. Dette er nettopp slike ting som eit EU-medlemskap
vil gi oss meir av.
Visst
bør vi vise solidaritet med dei nye demokratia i Aust-Europa.
Men det kan vi utmerka godt gjere utan å gi avkall på demokratiet
og råderetten over norske naturressursar. Mykje tyder på at støttetiltak
i norsk regi vil fungere betre enn dei støtteordningane som går
gjennom Bryssel-byråkratiet. Sjå berre på resultata av EU si regionalstøtte
til Sverige og Finland: Både Sverige og Finland har opplevd meir
avfolking og arbeidsløyse i nord etter at dei blei med i EU.
Men
for den norske eliten i avisredaksjonar og embetsverket er det
ikkje kjensgjerningar som tel. Drivkrafta er snarare den grusomme
følelsen av å ha blitt svikta av folket, ikkje berre ein gang,
men to gonger, i sitt strev med å få Norge inn i den Europeiske
Unionen.