Sørreisa,
18. november 2011
Jordskjelv
i EU!
Av Olav Flaate, Sørreisa Nei til EU
Forståsegpåarar
hevdar at Hellas er bankerott om kort tid dersom landet ikkje får
økonomisk hjelp. Det har allereie vore fleire krisemøter i Brüssel
om situasjonen i dette EU-landet.
Særleg
har det vore intens aktivitet etter at statsminister Papandreo kunngjorde
ei mogeleg folkerøysting om kriselån frå EU og IMF med tilhøyrande
vilkår. Dette, i høgste grad, demokratiske tiltaket i ei svært vanskeleg
sak skapte panikk ikkje berre i EU, men i heile den vestlege verda.
Den
vestlege finanseliten i tillegg til den såkalla politiske eliten
i EU fekk seg ein durabeleg trøkk. Panikken vart så stor, særleg
i Brüssel, at dei fråsegnene som etter kvart kom derifrå, førde
til mange politiske spenningar i Hellas. Spenningane vart så store
at dei kunne ha ført til eit politisk kaos ved sida av det økonomiske.
Det
kyniske maktspelet til EU for å redde Euroen er eit overgrep mot
det greske folket. Kva skjer med sjølvråderetten, sjølvkjensla,
stoltheita til eit folk som til dei grader vert valsa ned på ein
slik måte av ein elite som ser prestisjeprosjektet sitt trua?
Då
Brüssel, sterkt representert av Big Business, logrande inviterte
dei europeiske landa til å bli medlem av unionen, burde dei ha gode
kunnskapar om næringsliv, arbeidsliv med løner og velferdsordningar
i dei ulike landa. Likevel, trass i dei store ulikskapane, tok dei
steget med å inkludera dei som medlem - med lovnader om "gull og
grøne skogar".
Brüssel
kjende godt til korrupsjonen i det politiske Hellas. Dei gjekk inn
i dette "vepsebolet" med opne augo! Å tilfredsstilla den kapitalistiske
eliten i Europa var viktigare enn å kartleggje konsekvensane av
"byggverket" sitt. Difor fekk me og fri flyt av kapital, arbeidskraft,
varer og tenester - dei fire fridomane - og med minst mogeleg kontroll.
Finans og kapitalisteliten må tene pengar for ein kvar pris!
Spania,
Portugal, Italia, Irland er andre land som har store utfordringar
når det gjeld å syta for at vanlege folk - dei som skapte og skaper
verdiane i samfunnet - skal ha arbeid, og offentlege tenester som
tek omsyn til alle. I Spania er 40% av ungdomen utan arbeid og både
den generelle arbeidsløysa og arbeidsløysa blant ungdom er høg i
mange EU land.
Dette
systemet forsvarer både statsminister Jens Stoltenberg og utanriksminister
Jonas Gahr Støre - begge opplærde av Gro Harlem Brundtland og arkitekten
til EØS-avtalen - alle tre for solidaritet og samhald - men
med kven? Støre går, etter fråsegn til avisa Klassekampen, så langt
at han vil at Brüssel skal gripe enno meir inn i suvereniteten,
sjølvråderetten til medlemslanda i EU.
Kva
tid kjem "Stormen mot Brüssel" ?
|