Flyutdaninga
på Bardufoss og EØS
Av Olav Flaate, Sørreisa Nei til EU
Mykje tid, og eit eksemplarisk godt arbeid er lagt ned både frå
politisk hald og frå personal ved flygarskulen NAC på Bardufoss
for å få til ei permanent flygarutdaning der. Spydspissane i dette
arbeidet har heile landsdelen med seg for at dette skal bli røyndom.
Stortinget løyvde 4,5 mill. kroner for å støtte opp om dette prosjektet.
Viljen til å gjera noko var til stades.
I
desse konkurransetider, der den eine sin død er den andre sitt brød,
klagar ein annan flyskule, NEAR på Vigra, Stortinget si løyving
inn for ESA - kontrollorganet som skal sjå til at EØS-regelverket
vert etterlevd. NEAR ser på løyvinga som konkurransevridande. Frå
ESA-hald vert det sagt at ei avklaring på denne klagen kan ta lang
tid og såleis yttarlegare forverra situasjonen for NAC.
Dersom flygarutdaninga på Bardufoss vert lagt under Universitetet
i Tromsø, vert det ein offentleg udaningsinstitusjon og dermed utanfor
EØS-regelverket. Det må difor ikkje vera tvil om kva den raudgrøne
regjeringa skal gjera. La flyutdaninga på Bardufoss bli ein del
av universitetet i Tromsø. Men her ser me likevel nok eingong korleis
EØS-avtalen kan gripa inn og setja kjeppar i hjulet for eit kjempeprosjekt
i Noreg - eit prosjekt som er til gagn både for Nord-Noreg og for
landet.
På
ein måte er det no litt komisk når Viggo Fossum (Ap) , som har gjort
ein kjempejobb for NAC, og Kent Gudmundsen (H) står saman i eit
problemkompleks skapa av EØS-avtalen. Både Høgre og Ap, med Gro
Harlem Brundtland i spissen, var med på å presse EØS-avtalen ned
over det norsk folk. I november 2006 skal EU-kommisjonen sitt forslag
til tenestedirektiv avgjerast i EU/EØS området. Formålet med direktivet
er å auka konkurransen om å yta tenester på tvers av grensene.
Tempo,
effektivitet, splitt og hersk,
sparing, nedskjering av arbeidsstokken, press på løns- og arbeidsvilkår
(ved sosial dumping) for å auka profitten i næringslivet, blir meir
og meir eit kjenneteikn på arbeids- og samfunnslivet i Noreg - og
i EU. Barbara Ehrenreich skriv om det brutaliserte arbeidslivet
i USA i den nye boka si "Baith and Switch". EU har som mål å skape
den mest konkurransedyktige økonomien i verda. Menneska blir dermed
her og meir og meir eit middel og ikkje eit mål for næringslivet.
Kvar
vil me? Er det ikkje snart på tide sjå konsekvensane av EØS avtalen?
Kanskje er det ikkje så galt at Stortinget - nasjonalforsamlinga
vår - og ikkje Brüssel bestemmer kva ein skal løyve pengar til for
å fremje folketrivnad, vekst og utvikling i Noreg, landet vårt.
|