Sørreisa,
06. oktober 2012
EU-tragedien
Av Olav Flaate, Sørreisa Nei til EU
EU-EØS-tragedien
går for open scene kvar einaste dag i fleire europeiske land. Folk
mister arbeidet sitt. Offentleg tilsette får redusert inntektene
sine. Pensjonistane får redusert pensjonane sine. Offentlege eigedomar,
folket sine eigedomar, vert selde for å imøtekoma krava frå IMF,
Det
Internasjonale Pengefondet, Verdsbanken og den Europeiske Sentralbanken.
Alt
dette skjer for å nedbetale statsgjeld, gjeld påført desse landa
fordi sterke EU-bankar "kasta" pengar til desse landa for sjølve
å få høg forteneste på utlåna sine. Det var inga krav om korleis
desse pengane skulle brukast. Men tilgangen på desse letttilkomne
pengane førde til ein storstila bustadbygging og generell infrastrukturbygging.
Så kom den økonomiske krisa og alt raste saman.
EU,
som heile tida er interessert i å skape den mest konkurransedyktige,kunnskapsbaserte
økonomien i verda gjennom fri flyt av kapital, varer, arbeidskraft
og tenester, er no meir interessert i å redde Euroen enn å skape
arbeidsplassar, håp og framtidstru for folk i dei landa som er hardast
råka av den økonomiske krisa.
Den,
etter mi meining, kyniske politikken til EU-systemet har ansvar
for store menneskelege lidingar og tragediar.
Då
Torbjørn Jagland, og andre med han, foreslo i gi EU Nobels Fredspris
vitnar det diverre om eit kortsyn som fleire og fleire politikarar
med stor makt lir av. Rett nok har det ikkje vore nokon krig mellom
landa i EU, men alle millionane som i dag, kvar einaste dag, kjemper
for å ha utkome til det daglege brød, til eit tak over hovudet og
til å eksistere, fortener EU langt frå nokon pris.
Min
påstand er at EU har skapt den krisa som er i EU landa i dag, og
norske stortingspolitikarar både i AP og Høgre vil ha Noreg inn
i denne menneskeuvenlege unionen. På same måten som dei skremde
det norske folk med økonomisk stagnasjon og alleinegong dersom Noreg
ikkje sa ja til norsk EU-medlemskap i 1994, seier dagens stortingspolitikarar
og næringslivstoppar det same dersom Noreg vil seie opp EØS-avtalen.
Mellom
70 % og 80 % av norske borgarar seier NEI TIL NORSK EU-MEDLEMSKAP,
og stadig fleire ynskjer å få ein annan handelsavtale med EU, men
Støre, Stoltenberg og Erna Solberg er krampaktige i mot.
Eg
trur at det norske folk er glade i denne steinrøysa me bur i her
i Noreg, og vil utvikle det litle me kan til det beste for alle.
For å kunna gjera det, må me sjølve ha råderetten over eit lovsystem
som tilrettelegg for ei slik utvikling.
Med
EØS-avtalen er me bundne av fri flyt-politikken til EU og alle tenkjelege
og utenkjelege direktiv som måtte koma frå Brüssel for å skape eit
system som er meir interessert i pengar enn menneske. Å byggje eit
hus på sandgrunn vil skjeldan få eit solid fundament. Difor kan
det vera lurt for folket og for landet å bu oss på å rette ryggen
og seie opp EØS-avtalen.
|