EU
= Fri flyt av kaos
Av Olav Flaate, Sørreisa Nei til EU
Det
gjer meg trist å væra vitne til det som skjer i EU. Fleire og fleire
menneske mister arbeidet sitt. Fleire og fleire yrkestaktive må
springe fortare og fortare for å tene mykje mindre enn dei gjorde
tidlegare. Fleire og fleire får økonomiske problem med å dekkje
grunnleggjande behov. Det vert større og større ulikheiter mellom
folk.
Kjernestrategien
til EU er fri flyt av kapital, arbeidskraft, varer og tenester med
den målsetjinga å få den mest konkurransedyktige, kunnskapsbaserte
økonomien i verda!
Pengane
er det viktigaste! I ein desperasjon for å oppnå denne målsetjinga
- der finanskrisa skapa store problem for unionen, tar EU bort håpet,
draumane, forventingane, gleda over livet, det å væra til, frå millionar
av menneske.
Politisk styring for å skape eit best mogeleg samfunn for flest
mogelege synest ikkje å vera på sakslista. EU er i ferd med å øydeleggje
balansen i arbeidslivet. Det eine direktivet etter det andre set
meir og mindre forhandlingspartnarane: arbeidsgivar, fagforeining
og stat på sidelina.
Samstundes
køyrer dei på med krav om effektivisering, konkurranseutsetjing
og innsparing i offentleg sektor, som burde væra lokomotivet i å
tilretteleggje for næringsutvikling og velferdsutvikling for folk
flest.
Spania, Portugal, Irland og Hellas har alle fått kniven på strupen
med påbod om store innsparingar. Men og dei store landa som Tyskland,
der det er ei stigande arbeidsløyse og Storbritannia der dei skal
redusere statsbudsjettet med mange milliardar kroner let dei vanlege
menn og kvinner ta kostnadene ved EU/EØS-eksperimentet.
60%
av norske kvinner og menn seier nei til EU medlemskap - det er bra,
men samstundes er det rart at det ikkje er fleire. På møtet i World
EconomicForum i Davos i januar 2011 var det mange statsleiarar og
økonomar + Stein Erik Hagen som roste Noreg og norske politikarar
(blant andre Jens Stoltenberg) for måten dette landet er styrt på
for å skape ein "god" velferdsstat.
Rosen,
lovorda for dette byggverket burde gå til dei politikarane som ein
gong styrde landet. Politikarane våre i dag diltar diverre etter
EU meir og meir. Det eine kontroversielle direktivet etter det andre
vert innlemma i norsk lovverk. Tenk på Tenestedirektivet. No er
det stor drakamp om Postdirektiv og Datalagringsdirektiv.
Politikarane
våre har ikkje så mykje å skryte av når det gjeld utviklinga av
velferdsstaten. Tenk berre
kva dei har gjort med Jarnbanen, Vegvesenet og for ikkje å forgløyme
Statkraft. Politikarane våre styrer mindre og mindre. Dei folkevalde
overlet meir og meir til embetsverk og byråkrati. Men det er jo
i samsvar med New Public Management, så då så.
Både
EU og Noreg (sjølv om det er verdas beste land å bu i) bør styra
etter det gamle slagordet til SV "Del godene". Då trur eg at me
ville få fleire lukkelege menneske i EU, i Noreg og i verda.
|