EØS
avtalen - ei sjølvpining
Av Olav Flaate, Sørreisa Nei til EU
Det er ei kjennsgjerning at EØS-avtalen har omfattande verknader
for nasjonale politiske målsetjingar i Noreg. Dette gjer seg gjeldande
innan kultur, næringsliv og samfunnsliv. Ofte fører nye EU-direktiv
til store meirkostnader både for det offentlege og for private verksemder.
ESA, overvakingsorganet som kontrollerer at EØS-avtalen vert respektert
og etterlevd, leiter med argusaugo etter om det framleis er noko
i "nissehuelandet" som ikkje er i samsvar med denne avtalen.
Nett
no gjeld det bibliotekvederlagsordninga. Dette er ei økonomisk
stønadsordning frå kulturdepartementet som skal fremje utgjeving
av bøker på norsk og samisk her i landet. ESA meiner i denne samanhangen
at ei slik stønadsordning diskriminerer forfattarar som skriv på
tysk, fransk, engelsk osv. Men det skal nå f.. berre mangle om me
her i landet ikkje skal kunna stimulera til lesing av det norsk
språket! Me bur i Noreg. Språket er ein viktig del av norsk kultur
og identitet - og i det "bomberegnet" av engelske bøker, tidsskrift,
filmar og dataspråk me har kring oss, er det viktigare enn nokon
gong å tilrettelegge for mest mogeleg bruk av språket vårt.
ESA
hadde i år 2005 eit budsjett på om lag 80 millionar kroner. Noreg
åleine finansierte 71 millionar kroner av desse pengane. Tenk å
betale så mange pengar for å hjelpe til å undergrava bruken av det
norske språket! Tenk kva det har kosta det norske samfunnet å finna
kompensasjonsordningar då det vart klart at den graderte arbeidsgivaravgifta
var i strid med EØS-avtalen. Tenk på kravet om at anbod på offentlege
investeringar over ein viss storleik skulle lysast ut i heile EØS-området.
Tenk på kravet om ei bestemt sort sand i barnehagane! Ja mest dagleg
kjem det nye EU direktiv som skal innarbeidast i det norske lovverket.
Er
det ikkje på tide at me seier opp EØS-avtalen, som kneblar oss på
hender og føter. Me har framleis sjølvråderett i dette landet. Noreg
er ikkje medlem av EU. Kan hende nokre sentrale politikarar vil
føla det som eit nederlag å seie opp EØS-avtalen. Slike omsyn kan
nasjonen ikkje ta. Det er på tide igjen å bli herrar i eige hus
- i navnet så vel som i gavnet. EØS-avtalen er stort sett ei sjølvpining.
|